Rasman! Erjan Tokotayev “Andijon” aʼzosiga aylandi

Yozgi seleksiyada tarkibini kuchaytirayotgan “Andijon” klubi oʻz safini yana bir mahoratli futbolchi bilan toʻldirdi. 

Qirgʻiziston milliy terma jamoasi darvozaboni Erjan Tokоtayev rasman “Andijon” futbolchisiga aylandi. U bilan shartnoma imzolandi va endilikda 
“Burgutlar” sharafini himoya qiladi.

Maʼlumot uchun, Erjan Tokotayev 2000-yilning 17-iyul sanasida Qirgʻizistonda tavallud topgan. Darvozabon faoliyati davomida “Dordoy” (Qirgʻiziston), “Alga” (Qirgʻiziston), “Kaspiy” (Qozogʻiston), “Turon” (Qozogʻiston) va “Shanliurfaspor” (Turkiya)da faoliyat olib borgan. 

Tokotayev 2023-yildan beri Turkiya chempionatida “Shanliurfaspor”da oʻynagan. Erjan faoliyati mobaynida hozirgacha 92 ta oʻyinda ishtirok etgan. 2021-yildan beri Qirgʻiziston milliy terma jamoasi aʼzosi hisoblanadi va hozirga qadar bosh jamoada 36 ta oʻyin oʻtkazgan.

Erjan, “Andijon”ning ahil oilasiga xush kelibsan!