Kamoliddin Tojiev: “Bunday yirik hisob bo'lishini kutmagandik”

“Andijon” - “Paxtakor” (2:6) uchrashuvidan keyingi matbuot anjumanida mehmonlar bosh murabbiyi Kamoliddin Tojiev qatnashdi. 

- Ko'rdinglar, o'yin to'liq ustunligimizda o'tdi va g'alabaga erishdik. Futbolchilarga rahmat. Har o'yinda maydonga tushib oxirigacha kurashishyapti. 10 futbolchi bo'lib qolsak ham gollar urdik.

- Uchrashuvda yirik hisob qayd etilishini kutganmidingiz?

- Yo'q. G'alabaga kelgandik, ammo bunaqa yirik hisob bo'lishini kutmagandik. 

- Jamoani o'yinga tayyorlash qiyish bo'lmadimi? Chunki Maksim Shatskix “Paxtakor”ga begona bo'lmagan...

- Qiyin bo'lmadi. Hamma jamoaga qarshi tayyorgarlik ko'rgandek tayyorlandik. Yigitlarga rahmat. Hamma aytgan ko'rsatmalarimizni to'g'ri bajarishdi.