“Andijon” jamoamizning Tojikistondagi yigʻini boshlandi

12-iyuldan oʻz qarorgohida toʻplanib ikki kun shugʻullangan “Andijon” bugundan asosiy bosqich mashgʻulotlariga kirishdi.

Mavsumning ikkinchi qismiga puxta tayyorgarlik koʻrish maqsadida jamoamiz oldindan rejalashtirilganidek, doimiy yigʻin oʻtkazib kelayotgan maskan - Tojikistonning Guliston shahrida joylashgan “Milliy bank”ga qarashli sogʻlomlashtirish sport komleksida bugundan yozgi yigʻinini boshladi. 

Maksim Shatskix boshchiligidagi “Burgutlar” bu yerda 26-iyulga qadar oʻquv-mashgʻulot yigʻinini olib boradi.  

Mazkur tayyorgarlik davomida Tojikistonning ikkita klubiga qarshi oʻrtoqlik uchrashuvlari oʻtkazilishi ham koʻzda tutilgan.