Rasman! Iskandar Shoyqulov jamoamizni tark etdi

Yozgi transfer paytida “Andijon” jamoamizning tarkibida oʻzgarishlar yuz berishi muqarrar. 

Shuni maʼlum qilmoqchimizki, mavsum boshida safimizga qoʻshilgan iqtidorli oʻyinchi Iskandar Shoyqulov bilan amaldagi shartnoma ikki tomonning oʻzaro kelishuviga koʻra bekor qilindi.

Shoyqulov birinchi davrada “Andijon” tarkibida Superligada 12 ta, Oʻzbekiston Kubogida 2 ta uchrashuvda maydonga tushdi.

Biz Iskandarga jamoamizdagi ishtiroki uchun minnatdorchilik bildiramiz va uning kelgusi faoliyatiga omad tilaymiz.